Continue with facebook
Continue with google
USAID-ის სამოქალაქო განათლების პროგრამამ, რომელსაც ახორციელებს PH International საქართველო, გამოაცხადა საგრანტო კონკურსი საქართველოში რეგისტრირებული არასამთავრობო ახალგაზრდული ორგანიზაციებისთვის.
საგრანტო კონკურსის მიზანია, ხელი შეუწყოს სკოლის მოსწავლეებისა და სკოლადამთავრებული ახალგაზრდების (29 წლის ჩათვლით) ერთობლივ სამოქალაქო აქტივობებს მათი სკოლისა და საზოგადოების საკეთილდღეოდ.
კონკურსის მეშვეობით ხელი შეეწყობა ახალგაზრდებში მოხალისეობრივი კულტურის განვითარებას, ადგილობრივ თუ ეროვნულ დონეზე მათ სამოქალაქო ჩართულობას და აქტიური ახალგაზრდების ქსელის ფორმირებას. საგრანტო პროგრამის ფარგლებში წარმოდგენილი პროექტის ბიუჯეტი არ უნდა აღემატებოდეს 10,000 აშშ დოლარს.
საგრანტო კონკურსში მონაწილეობის მიღება შეუძლია არასამთავრობო ა(ა)იპ-ს, რომლის სადამფუძნებლო დოკუმენტაციით განსაზღვრულია, რომ ორგანიზაციის საქმიანობის ძირითად სფეროს წარმოადგენს ახალგაზრდების განვითარებასთან დაკავშირებული საკითხები.
განმცხადებლებმა 2023 წლის 31 ოქტომბრის ჩათვლით საგრანტო განაცხადი, მოთხოვნილ სავალდებულო დოკუმენტებთან ერთად, უნდა გამოაგზავნონ ელ.ფოსტის მისამართზე ge-grants@ph-int.org.
სათაურის ველში მიუთითეთ: RFA 004_Grants for Youth Led Organizations.
0.0